Stadnamn på vestre Hardangervidda

Biletkåseri med Johannes H. Sekse – «Stadnamn på vestre Hardangervidda»

Johannes H. Sekse skal halda eit biletkåseri med utgangspunkt i boka «Stadnamn på vestre Hardangervidda», der han var biletredaktør. Johannes er utdanna lærar men har det meste av yrkeskarrieren vore redaktør og journalist i fleire ulike lokalaviser. Det starta med avisa «Sunnhordland» på Stord, seinare «Marsteinen» i Austevoll, så to år i avisa «Hardanger» før 27 år i «Hardanger Folkeblad». Som fellestur-leiar i mange år, er han relativt godt kjend over det meste av Hardangervidda. Han har vore medforfattar i boka «Stølar og buer i «Kvenne-, Veig- og Kinsevassdraga» og arbeider sjølv med ei bok om Veigdalen.

Skredhaugens vener skipar til mange arrangement på onsdagar gjennom sommaren. Det vert kafé med bakst og kaffi, og utstillingane Spor i tid og BEE Hardanger er opne. Alle er hjarteleg velkomne.

Billettar: Vaksne 125,- Student 75,- og born gratis