Arkiv

Foreningen for By og Bygd speler nynorsk country. Det er litt skeivt, litt streit, litt omsett og oftast sjølvskrive. Bandnamnet har dei lånt frå den tidlegaste homo-organiseringa i Noreg, frå tida då alt måtte være hemmeleg og diffust. I tillegg vinglar bandmedlemene stadig mellom by og bygd, slik alle gode folk gjer. Dette er foreininga du ikkje visste eksisterte, men no vil teikne livstidsmedlemskap i. Sist dei spelte i Hardanger, slo lynet ned i anlegget under ein song om å bryte dei ti boda. Sånn kan det gå.

Vokalist Jens Kihl er politisk kommentator i Bergens Tidende og har skrive boka «Dette er også Noreg» om å vitje alle kommunane i heile Noreg.
Helene Nilsen (song og gitar) er ei slags ukrona country-dronning frå Askøy i tillegg til å vere forskar på universitetet.
Endre Aasebø (gitarar og song) hadde ein periode sitt eige radioprogram, Kirketid, på NRK P3, og speler i hundre andre band.
May Frida Bosch (trommer) kjem frå den rette sida av fjorden i Masfjorden og har delteke i Pokerfjes på TV2, der ho stakk av med tusenvis av kroner. May har langs fartstid på den Bergenske musikkscena. Hardanger (og Noreg?) sin eigen Lars Korff Lofthus speler kontrabass og korar. Han har spelt folkemusikk, kyrkjemusikk, rock, viser og pop, men hadde ikkje sett for seg å hamne i eit nynorsk countryband.

Billett kroner 250,- kjøpes ved inngang.

I sumar vil Jonas Laupsa spela små konsertar i opningstida på Skredhaugen. Jonas er ein ung og svært lovande spelemann frå Hardanger. Dette er ein glimrande mogelegheit til å oppleva hardingfelespel i fantastiske omgivelsar.

Jonas kjem frå Folkedal i Granvin, byrja å spele fele når han var 7 år gamal. Han gjekk på musikkskulen i Granvin, med Knut Hamre og Johanna Mjeldheim som lærarar, har siden gått på musikklinja på Voss Gymnas og i lære hjå Leif Rygg, Steinar Rygg, Åse Teigland. Han har delteke på Vestlandskappleik, Hordamønstring, landskappleik og ulike kurs rundt i landet. Jonas har fleire gonger vunne klasse C hardingfele på kappleikar. Han har òg delteke aktivt i Hardanger junior- og seniorlag og spelt med dei på kappleikar. Jonas spelar òg på konsertar på Voss og i Hardanger, blandt anna saman med kvedaren Mari Holven, og Vossarebels. Han har motteke Audhild Flaktveit Moxnes sin minnepris i 2017 og Sparebankstiftinga Hardanger sitt kulturstipend.

Jonas Laupsa er ein talentfull og engasjert hardingfeleutøvar som me gler oss over at skal spela hjå oss i sommar!

Konsertane varer 20-30 minutt. Kom og høyr ungdommen formidla tradisjonen!

Kvar sundag held han tre konsertar:
4. juli kl. 13:15, 14:15 og 15:15
11. juli kl. 13:15, 14:15 og 15:15
18. juli kl. 13:15, 14:15 og 15:15
25. juli kl. 13:15, 14:15 og 15:15

Konsertane er inkludert i ordinær billett til museumet.

Sundag 27. juni kl 16.00 er det sesongopning på Skredhaugen. Programmet startar med opning av to utstillingar, og så vert det konsert.

Dialogutstilling #2: Annette Kierulf

Dialogutstilling er eit 3-årig samarbeidsprosjekt mellom Hardanger folkemuseum og kurator Lars Korff Lofthus, der me inviterar samtidskunstnarar til å gå i dialog med den store kunstsamlinga etter Jon Bleie. Kunstnarane vil syna eigne arbeider, saman med utvalde verk frå samlinga etter Jon Bleie, som mellom anna inneheld verk av Henrik Sørensen, Harald Kihle og Kåre Espolin Johnsen. I 2021 har Annette Kierulf takka ja til å vera årets utstillar. Kierulf arbeider hovudsakeleg med tresnitt, men og teikning, veggmåleri, objekt og artist books. Ho hentar gjerne motiv frå natur og kulturlandskap. Motiva tek ofte utgangspunkt i observasjonar frå nærmiljøet på Vestlandet, og går samstundes i dialog med kunsthistoriske referansar innan landskapstradisjonen.

Vera Gjersøe, Husdyrfoto

Vera Gjersøe har vore aktiv gardbrukar på Voss i mange år, men sidan ho gav ut si fyrste barnebok i 1990 har fotografia hennar tatt opp meir og meir tid. Sidan den fyrste boka har ho gitt ut 13 bildebøker og barnebøker. Alle med eigne foto. Motiva finn ho sjølvsagt rundt seg på garden, men ho reiser og rundt i heile Norge for å fotografera husdyr i alle situasjonar. Med fotoa og bøkene sine vil Gjersø gje dei yngre generasjonane eit innblikk i, og ikkje minst kunnskap om husdyra våre. Ein del av Gjersø sitt prosjekt er å minske avstanden mellom barn/unge og dyr/landbruk. Det er fyrst når vi som forbrukarar stiller krav at det vert mogeleg å forbetra dyrevelferden i matproduksjon.

Konsert

Jonas Laupsa, Siri Nordgård og Ingrid Standal Sørheim er tre unge utøvarar som spelar hardingfele og toradar. Alle tre er engasjert av Hardingfela.no og skal spela dagelege solokonsertar i musea i Hardanger og Voss museum i heile juli. No startar dei opp med ein felles konsert på Skredhaugen.

I heile sumar har Hardanger Folkemuseum gleda av å kunna stilla ut eit utval av arbeida til fotograf Vera Gjersøe. Utstillinga vert å sjå i Nilsastova på Skredhaugen.

Vera Gjersøe har vore aktiv gardbrukar på Voss i mange år, men sidan ho gav ut si fyrste barnebok i 1990 har fotografia hennar tatt opp meir og meir tid. Sidan den fyrste boka har ho gitt ut 13 bildebøker og barnebøker. Alle med eigne foto. Motiva finn ho sjølvsagt rundt seg på garden, men ho reiser og rundt i heile Norge for å fotografera husdyr i alle situasjonar.

Med fotoa og bøkene sine vil Gjersø gje dei yngre generasjonane eit innblikk i, og ikkje minst kunnskap om husdyra våre. Ein del av Gjersø sitt prosjekt er å minske avstanden mellom barn/unge og dyr/landbruk. Det er fyrst når vi som forbrukarar stiller krav at det vert mogeleg å forbetra dyrevelferden i matproduksjon.

Utstillinga er allereie hengd opp og skal i juni ha besøk av fleire skular og barnehagar i området.

Dette er i salgsutstilling så det vil væra mogeleg å kjøpa eller tinga bilder på utstillinga.

Offisiell opning vert den 27. juni klokka 16:00 og utstillinga er open kvar sundag frå klokka 12 til 17 fram til 8. august.

Dialogutstillinga er eit 3-årig samarbeidsprosjekt mellom Hardanger folkemuseum og kurator Lars Korff Lofthus, der me inviterar samtidskunstnarar til å gå i dialog med den store kunstsamlinga etter Jon Bleie. Kunstnarane vil både syna sine eigne arbeider, og påverka kva verk frå Bleiesamlinga som stillast ut. Nilsastova vert nytta til prosjektet, som er ein spanande måte å vitalisere dei eldre verka på, og trekke liner mellom ulike tider og uttrykk.

Prosjektet starta i 2020, med den Norgesbusette svenske kunstnaren Patrik Entian (f.1966).

Kunstnaren som er veld ut for Dialog #2 i 2021 er Annette Kierulf.

Utstillinga er open kvar sundag frå 27.06-08.08.21, mellom klokka 12 og 17.

Kierulf arbeider hovudsakeleg med tresnitt, men og teikning, veggmåleri, objekt og artist books. Ho hentar gjerne sine motiv frå natur og kulturlandskap. Motiva tek ofte utgangspunkt i observasjoner frå nærmiljøet på Vestlandet, og går samastundes i dialog med kunsthistoriske referansar innan landskapstradisjonen. I dialogforma denne utstillinga inviterar til, må Kierulf ikkje berre i dialog med landskap, men med konkrete verk og tolkingar av landskap og andre motiv, og me gler oss til å oppleva dette på Skredhaugen!

Annette Kierulf har hatt ei lang rekke duo-utstillingar med syster og kollega Caroline Kierulf. Dei har utvikla ei samarbeidsform der dei jobbar individuelt innanfor ei felles teoretisk råme knytta til stad, språk, feminisme og økologi. Dei har stilla ut mange plassar, til dømes Kunstnerforbundet, Kunstneres Hus, Bergen Kunsthall og Great North Museum Hancock i Newcastle.

Kierulf har og vore med å starta og drifte ulike prosjekt i det frie kunstfeltet i Bergen, som galleri By th Way (1999-2007) og tidsskriftet Kunsjournalen B-post (2206-2017) Ho har jobba som kurator for mellom anna den 4. utgåva av Momentum – nordisk festival for samtidskunst, Vestlandsutstillingen, KORO og Nasjonale Turistveger.

Annette Kierulf er fødd i Oslo i 1964, utdanna ved Statens Høgskole for Kunsthåndverk i Bergen, Kunstakademiet i trondheim og Vestlandets Kunstakademi. Ho er professor i kunst med fordjupning i grafikk ved Kunstakademiet, Institutt for samtidskunst ved UiB.  Saman med systera Caroline Kierulf skal ho stilla ut på Haugesund Billedgalleri komande haust, og på KODE i 2022. Ho bur og arbeider på Radøy nord for Bergen.

Skredhaugens Venelag og Hardanger Folkemuseum inviterar til dugnad på Skredhaugen.

Oppgaver for dagen er å vaska ut utstillingslokala, rydda og klargjera tunet til å ta i mot gjestar i sumarsesongen.

Dugnaden vert tirsdag 25. mai klokka 18:00 og utover til me er ferdige.

Alle er hjarteleg velkomne!