Skredhaugens vener lagar til arrangement på Skredhaugen mange onsdagar gjennom sommaren. Onsdag 5. juli er det onnedag med fleire kjekke ting å halda på med. Geitene treng høy, og dette skal me turka på hesjer. Me skal laga lauvkjerv. Og så vert det nysteikte krotakaker i mosstova. Utstillinga Glimt frå ein barndom og kunstsamlinga etter Jon Bleie er ope. Venelaget serverer kaffi og noko godt å eta. Små og store er hjarteleg velkomne.