juni 2019

Om arrangementet

Velkomen til årets sesongopning på museumstunet Skredhaugen!
Sundag 30. juni kl 18 kan du bli med på arrangementet som mellom anna byr på konsert med Torbjørn Dagestad.

Open kafé.

Sjå også info om vidare arrangement og utstillingar her:

Program Skredhaugen 2019

Tid

(Sundag) 18:00

Stad

Skredhaugen

5781 Lofthus

Program

sun07mai(mai 7)17:30fre06okt(okt 6)15:00Ingunn van EttenBilete og bok(mai 7) 17:30 - (oktober 6) 15:00

Sprettert og eg, bokillustrasjon av Ingunn van Etten

Om arrangementet

Bilete og bok

Utstillinga Bilete og bok viser om lag 80 illustrasjonar frå sju bøker, alle illustrert av Ingunn van Etten. I tillegg viser ho bokomslag og illustrasjonar frå bøker og magasin. Nokre av illustrasjonane er vist offentleg tidlegare, andre ikkje. Utstillinga opnar sundag 7. mai kl 17.30, og står til fredag 6. oktober 2023.

Utstillinga er eit tverrsnitt av van Ettens produksjon av illustrasjonar, og eit portrett av ein illustratør frå debuten fram til i dag; ein kunstnar som let fantasien få vengjer og hjelper sjåaren til å flyga.

«Fargar og former er mitt uttrykksmiddel. Eg er oppteken av kommunikasjon, mellom menneske og mellom menneske og det som er rundt. Det symbolske spelar ei stor rolle, humor, leik og spel er andre viktige faktorar. Vekselbruk mellom frie arbeid og arbeid knytt opp til ein tekst er stimulerande og utviklande og høver godt for meg». (Ingunn van Etten)

Van Etten debuterte med måleriutstilling på Hardanger folkemuseum i 1976, like etter at ho kom heim etter utdanning utanlands. To år seinare debuterte ho som illustratør. Deretter vart det fruktbart vekselbruk mellom tekst og bilete og frie måleri, slik ho drøymde om at hennar kunstnarliv skulle vera.

Bokillustrasjonar på utstilling

Gjennombrotet som bokkunstnar kom med illustrasjonane til Tordenguden av Tor Åge Bringsværd (i serien Vår gamle gudelære) og Den dagen det regna kattungar av Hans Sande. Biletkunstnaren har også forfatta to bøker – og sjølvsagt illustrert dei: Trollkjerringa i Hausafjellet og Meistersmeden. Båe baserte på lokale segner. Det var viktig å finna ut korleis ting såg ut på den tida historiene gjeng føre seg for å få illustrasjonane autentiske og truverdige. I dette arbeidet var museet på Utne med sine samlingar ein svært god stad å gjera research, og mykje tid vart også brukt i det lokale biblioteket på Utne. Også i nærmiljøet var inspirasjon og svar. Hjå ein lokal smed fann ho ut korleis dei ulike arbeidsreiskapane såg ut og korleis smeden jobbar i dei ulike prosessane.

I utstillinga Bok og bilete er det også henta fram gjenstandar frå samlingane til museet. Slik vert det ein raud tråd mellom bileta og staden dei vert viste.

Skuleelevar skal og få høve til å djupdykka i van Etten sitt univers gjennom eit pedagogisk opplegg der dei får sjå illustrasjonane i samanheng med aktuelle historiske gjenstandar.

Til utstillinga er det laga katalog med tekst av Mette Bleken.

Biletet er frå boka Sprettert og eg av Hans Sande og Ingunn van Etten.

Tid

Mai 7 (Sundag) 17:30 - Oktober 6 (Fredag) 15:00

Stad

Hardanger folkemuseum

Museumsvegen 36, 5778 Utne

lau10jun15:00Diktardagenmed Gro Dahle15:00

Om arrangementet

Gro Dahle får Diktartavla 2023

Haugesenteret og Hardanger folkemuseum heidrar den folkekjære poeten Gro Dahle med ein plass på Diktarstien. Prisutdelinga finn stad på Hardanger folkemuseum laurdag 10. juni kl. 15.00.

Sidan debutsamlinga Audiens kom ut i 1987 har den leikande pennen til Gro Dahle gjeve ut poesi, prosa, og dramatikk for både vaksne og born. Over 60 bøker har det blitt, deriblant 17 diktsamlingar. Den nyaste diktsamlinga hennar, Elskede grøftekant, kom i 2022.

Mellommenneskelege relasjonar, daglege hendingar og dyra sine perspektiv er motiv som går att i tekstane til Dahle. Gjennom diktsamlingane har Dahle utvikla eit særeige poetisk språk, der ei leikande og naivistisk form blandar seg med bråe assosiasjonskast og eit underliggjande alvor. Diktinga til Dahle er ofte konkret, men samstundes snur og vender ho språket til noko overraskande og leikent.

– Gro Dahle er ein poet som fylgjer etter orda og leikar med språket sine lydleg kvalitetar. Dikta handlar om dei nære tinga, og det kvardagslege blir poesi i Dahle si dikting, seier Jorid Lekve Eide, arenaleiar i Haugesenteret.

Diktarstien på Utne er ein vakker hellegang med til no 32 diktartavler som prydar det flotte museumstunet ved Hardanger folkemuseum på Utne. Dahle går inn i rekkja av markante diktarar som har fått Diktartavla. Blant dei andre finn me Olav H. Hauge, Halldis Moren Vesaas, Jan Erik Vold, Kolbein Falkeid, Tone Hødnebø, Jon Fosse, Cecilie Løveid, Eldrid Lunden og Øyvind Rimbereid.

Programmet

Under prisutdelinga ved Hardanger folkemuseum vil Dahle framføra utvalde verselinjer, og samtala om diktinga si saman med Jorid Lekve Eide, arenaleiar i Haugesenteret. Etter den litterære samtalen blir det konsert med Olaf Kamfjord, Jon Kirkebø Rosslund og Reidar Vinje Stensvold. Desse tre vestfoldmusikarane er tre femtedelar av bandet Herrene i haven. Gro Dahle har i ei årrekkje levert songtekstar til dette bandet. Songane i denne konserten er både for born og vaksne, og alle songane har sjølvsagt tekstar av prisvinnaren Dahle.

Diktardagen er eit årleg arrangement der ein heidrar ein norsk forfattar ved å leggja ned ei diktartavle for vedkomande på Diktarstien ved Hardanger folkemuseum. Den første diktartavla kom i 1992. Diktardagen blei offisielt etablert på 85-årsdagen til Olav H. Hauge i 1993. Hauge var sjølv ein av initiativtakarane til Diktarstien.

Prisen Diktartavla skal heidra ein markant norsk forfattarskap. Forfattaren må ha utmerkt seg særskilt innanfor lyrikk. Diktardagen skal også fremja positiv merksemd om norsk lyrikk.

Foto: Lina Hindrum

Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.

Tid

(Laurdag) 15:00

Stad

Hardanger folkemuseum

Museumsvegen 36, 5778 Utne

sun18jun16:30Slåttar frå Kvam, Ulvik, Eidfjord og UllensvangKonsert16:30

Om arrangementet

Konsert på Hardanger folkemuseum sundag 18. juni kl 16.30! Solo hardingfele med Knut Hamre, Annlaug Børsheim, Benedicte Maurset og Lajla Storli.

I 2018 kom samlinga Slåttar frå Granvin der Knut Hamre spelte inn nærmare hundre slåttar. No kjem oppfølgjaren med Slåttar frå Kvam, Ulvik, Eidfjord og Ullensvang. Utøvarar er Annlaug Børsheim, Benedicte Maurseth, Knut Hamre og Lajla Storli. Mange av slåttane på denne utgjevingar er gamle, kjende og mykje brukte, men utøvarane har òg henta fram fleire ukjende slåttar frå arkiv og gamle opptak.Uttrykket i repertoaret bere preg av mange ulike spelarar opp gjennom tidene, frå korte suggererande og sangbare danseslåttar frå 1800-talet til Halldor Mælands konsertrepertoar på 1900-talet.

Hardanger er ein av dei rikaste tradisjonsområda innan folkemusikk. Frå dei første spelarane me høyrer om på 1600-talet og fram til i dag, har hardingfela og slåttane vore ein naturleg del av kvardangsliv, fest og høgtider. Med auka kontakt mellom folk, har også slåtterepertoaret auka, og spelarane har vore mange, slik at folkemusikarar i dag har ein stor arv av ulike slåttar og soger å ausa av. Konserten byr på eit utvalg av slåttar frå denne utgjevinga og forteljingar med Hardangermusikken i sentrum.

Knut Hamre (1953)

Hardingfelespelar frå Granvin som har arbeidd som pedagog, fylkesmusikar, frilans musikar i inn- og utland og er ein av våre fremste felespelarar her til lands. Knut er ein nestor for hardingfelemusikken i Hardanger og har vore den naturlege læremeisteren for dei fleste frå Hardanger i mange år. Mange av elevane hans er i dag utøvarar på eit høgt nivå, og har hardingfela og musikken som levebrød. Knut har vunne landskappleiken sju gonger og motteke ei rekke prisar og utmerkelsar for musikken og spelet sitt. Diskografien hans er lang, frå den fyrste soloplata hans Nøringen (1982) til verket Slåttar frå Granvin (2018). Den siste plata består av 97 innspelte slåttar fordelt på 4 CD’ar og med ei tilhøyrande bok på 150 sider. I 2017vart han utnevnt til kommandør av St. Olavs Orden «for den framståande innsatsen
hans for norsk folkemusikk.»

Lajla Renate Buer Storli (1979)

Hardingfelespelar og songar frå Ullensvang. Ho har gått i lære hjå Knut Hamre i spel sidan ho byrja spele fele i 10-årsalderen, mens folkesongrepertoaret har ho henta frå fleire kjelder frå Voss og Hardanger. Lajla er utadanna folkemusiker frå Universitetet i Sør-Øst Norge avd Rauland, og ho har er ein mykje bruka pedagog i ulike samanhengar i folkemusikkmiljøet. Ho arbeider som frilans musikar i tillegg til at ho underviser fast ved Ole Bull Akademiet. Lajla har gitt ut og medverka på fleire plateutgjevingar, mellom anna soloplata Møya som drøymde (2013) – ei samling av ukjende mellomalderballadar og slåttar frå Hardanger og Voss. I 2018 laga ho bestillingsverket Kvöldvaka saman med verdensmusikaren Oddrun Lilja Johnsdottir, eit verk med inspirasjon frå Hardanger og Island. Saman med John Ole Morken har Lajla turnert mykje for Kulturtanken og spelt konsertar rundt om i heile Noreg. Songaren Kim Rysstad frå Setesdal har ho òg samarbeid mykje med, der dei har opptrådd ved ulike festivalar i inn- og utland. Lajla har moteke fleire stipend, mellom anna kulturstipend av Buskerud fylkeskommune og Statens Kunstnerstipend som folkekunstnar for 2022.

Annlaug Børsheim (1982)

Hardingfelespelar, songar og gitarist frå Ulvik. Annlaug arbeider som frilans musikar, scenekunstnar og komponist innan eit breitt spekter av sjangrar, men er utadanna folkemusiker frå Ole Bull Akademiet på Voss og Universitetet i Sør-Øst Norge avd Rauland. Ho har gjennom åra gjeve ut fleire plater, både solo og saman med andre. Siste åra har ho tonesatt mykje nyare norsk poesi for barn der det musikalske har klare trekk og inspirasjon henta frå folkemusikken. Tekstane er skrivne av ulike forfattarar som mellom anna Per Olav Kaldestad, Ruth Lillegraven og Gro Dahle, som sidan har blitt både konsertar, plater og ein
teaterserie for born i 8 episodar. I duoen Djønne&Børsheim spelar ho ei blanding av tradisjonell og ny musikk frå Hardanger. Dei har spelt i lag i over 10 år, spelt inn fleire plater, og turnert i inn- og utland og for Kulturtanken. I 2019 skreiv dei musikken til musikkteateret HUSMANN. Teksten var skriven av Ruth Lillegraven og med seg på scena hadde dei skodespelarane Kjærsti Odden Skjeldal og Morten Svartveit. I 2016 hadde Annlaug Statens Kunstnarstipend i kategorien populærkomponist.

Benedicte Maurseth (1983)

Hardingfelespelar, komponist og skribent frå Eidfjord, er ein etablert og anerkjend utøvar innan norsk folkemusikk. Maurseth har gått i lære hjå meisterspelemannen Knut Hamre i nærare tretti år, og har utdanning frå Ole Bull Akademiet. Ho har turnert i omfattande grad både i Norge og internasjonalt, og har arbeidd tett med mange av dei fremste kunstnarar på tvers av sjangrar som Nils Økland, Merilyn Crispell, Rolf Lislevand, Jon Fosse, Svein Tindberg, Hildegun Riise og Anne Marit Jacobsen. Ho komponerer også ny folkemusikk, mellom anna verket Tidekverv i samarbeid med Opheim, Stene og Lislevand. I 2018 fekk ho Vossa Jazz-prisen, Eidfjord Kommunes kulturpris og Statens Kunstnerstipend (2018- 2020). I 2022 blei ho tildelt Nordic Music Prize for plata HÁRR. Maurseth har også spelt inn fleire album for Grappa og ECM, og har gjeve ut bøker, artiklar og essay. Hennar bok om kunst, pedagogikk og musikk som medisin, Å være ingenting. Samtalar med spelemannen Knut Hamre, vart gjeve ut på engelsk gjennom Terra Nova / MIT Press i USA hausten 2019. Hennar siste bok er Systerspel (2022) utgjeve på Fagbokforlaget.

Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.

Foto: Elisabeth Emmerhoff

Tid

(Sundag) 16:30

Stad

Hardanger folkemuseum

Museumsvegen 36, 5778 Utne

fre15sep(sep 15)09:30sun17(sep 17)17:00Helgekurs: hardangersaumLær å sy hardangersaum slik me gjer det i Hardanger!09:30 - 17:00 (17)

Om arrangementet

Sy hardangersaum til forkle, skjorte og duk

Hardanger folkemuseum og Folgefonn husflidslag inviterer til helgekurs i hardangersaum hausten 2023 med Agnete Sivertsen som kurslærar. Kurset vert fredag 15. – sundag 17. september, kl 09.30 – 17 alle dagar. Kurset inkluderer både omvising, individuell rettleiing og besøk på tekstilmagasinet, samt lunsj og kaffimat i tre dagar.

Like tilbake til 1600-talet har kvinner i Hardanger sydd hardangersaum som ein del av den lokale draktskikken. Sidan har interessa for dette vakre broderiet spreidd seg til store delar av verda. På hardangersaumkurs får du læra dei grunnleggjande teknikkane, dei lure løysingane og dei lokale variantane. Etter ein god introduksjon vel du sjølv om du vil starta på kvitsaum til bunad, forklebord, eller kanskje ein duk eller løpar. Kursa passar både for dei heilt ferske og dei meir erfarne.

Tidspunkt og påmelding

Kurset går fredag 15. – sundag 17. september på Hardanger folkemuseum, kl 09.30 – 17 kvar dag.

Påmelding innan 1. september 2023 til post@hvm.museum.no /tlf 474 79 884

Andre tidspunkt kan og avtalast, me arrangerer kurs for grupper heile året.

Ved færre enn 4 påmeldte deltakarar kan kurset verta avlyst.

Prisar

4200,- pr kurs for medlemmar i Folgefonn/Norges husflidslag.

4700,- pr kurs for ikkje-medlemmar

Kurset inkluderer kaffi, kaker og varm lunsj alle dagar.

Kursmateriell kjem i tillegg, alt etter kva ein vel å sy.

Overnatting

Museet har avtale med Utne hotell, som ligg rett ved museet. Deltakarar på kursa får 10% rabatt på overnatting her. Ta gjerne direkte kontakt med hotellet på reception@utnehotel.no og skriv at du skal på kurs. Overnattinga på hotellet inkluderer frukost og femrettars middag. Sjå også utnehotel.no

Det er og råd å finna overnatting gjennom t.d. Airbnb.

For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no

Andre kurs finn du her

Tid

15 (Fredag) 09:30 - 17 (Sundag) 17:00

Stad

Hardanger folkemuseum

Museumsvegen 36, 5778 Utne

fre29sepsun01oktHelgekurs: bringkluthjarte-, holma- og andre bringklutar på raudt klede09:30 - (oktober 1) 17:00

Om arrangementet

Sy din eigen bringklut

Hardanger folkemuseum og Folgefonn husflidslag arrangerer fleire helgekurs der me tek for oss dei ulike teknikkane som er nytta til hardangerbunaden. På dette kurset får du læra å sy Holmabringklut eller hjartebringklut. Ein kan og sy andre bringklutar på raudt klede, t.d. med perlenett eller med stor åttebladrose. Ein vel sjølv om ein vil sy det eine eller det andre.

Holmabringkluten har namnet sitt etter systrene Kølle som budde i Holmen i Ulvik tidleg på 1800-talet. De sydde mange bringklutar for sal, og er særleg kjend for bringklutar med applikerte åttebladroser.

Hjarteforma kom på moten kring 1840, og var nytta som motiv på fleire bringklutar. Ofte nytta ein stråperler til å laga hjartet, og pynta inni med både stråperler og andre perler.

Andre bringklutar med perler sydd på raudt ullstoff har ofte ein stor åttebladrose i midten, og to halve åttebladroser på kvar side.

Perlenett kan ein tre med ei eller to nåler. Nettet vert sidan montert på raudt ullklede.

Tidspunkt og påmelding

Museet og husflidslaget sett opp to bringklut-helgekurs i 2023, med Agnete Sivertsen som kurslærar.

Det eine kurset vert om våren, fredag 24. til sundag 26. februar på Hardanger folkemuseum, kl 09.30 – 17.00 kvar dag. Påmelding til post@hvm.museum.no /tlf 474 79 884 innan 1. februar 2023

Det andre kurset vert om hausten, fredag 29. september til sundag 1. oktober, på Hardanger folkemuseum, kl 09.30 – 17.00 kvar dag. Påmelding til post@hvm.museum.no /tlf 474 79 884 innan 1. september 2023

Andre tidspunkt kan og avtalast, me arrangerer kurs for grupper heile året.
Ved færre enn 4 påmeldte deltakarar kan kurset verta avlyst.

Prisar

4200,- pr kurs for medlemmar i Folgefonn/Norges husflidslag.
4700,- pr kurs for ikkje-medlemmar

Kurset inkluderer kaffi, kaker og varm lunsj alle dagar. Kursmateriell kjem i tillegg, alt etter kva ein vel å sy.

NB! Kurset er utvida til tre dagar, fredag til sundag, slik at ein skal koma lengst mogleg med bringkluten. Om ein berre kan vera med to dagar er det også mogleg. Ta kontakt, så finn me ut av det.

Overnatting

Det er og råd å finna overnatting gjennom t.d. Airbnb.

For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no

Andre kurs finn du her

Tid

September 29 (Fredag) 09:30 - Oktober 1 (Sundag) 17:00

Stad

Hardanger folkemuseum

Museumsvegen 36, 5778 Utne

lau07okt(okt 7)09:30sun08(okt 8)17:00Helgekurs: Smøyg og svartsaumtil bringklut eller skjortesaum09:30 - 17:00 (8)

Om arrangementet

Lær å sy svartsaum og smøyg

Hardanger folkemuseum og Folgefonn husflidslag arrangerer helgekurs der me tek for oss dei ulike teknikkane som er nytta til hardangerbunaden. På dette kurset får du læra å sy smøyg. Ein vel sjølv om ein vil sy bringklut, belte, eller svartsaum til skjorte eller kaps.

Smøyg er ein svært gamal broderiteknikk, som i utsjånad liknar på veving. Den har vore mykje nytta på bringklutar og belte, og er førebiletet til dei vevde bringklutane mange nyttar i dag. Smøyg har og vore nytta på skjortekragar og på kaps, då som svartsaum.

Kurslærar er konservator på Norsk folkemuseum, Kari-Anne Pedersen. Ho har mellom anna jobba mykje med broderi på skjorter frå Telemark, som har svært forseggjorte smøygbroderi.

Tidspunkt og påmelding

Kurset vert laurdag 7. og sundag 8. oktober, på Hardanger folkemuseum, kl 09.30 – 17 kvar dag.

Påmelding til post@hvm.museum.no / tlf 474 79 884 innan 15. september

Andre tidspunkt kan og avtalast, me arrangerer kurs for grupper heile året.

Ved færre enn 4 påmeldte deltakarar kan kurset verta avlyst.

Prisar

3200,- pr kurs for medlemmar i Folgefonn/Norges husflidslag.

3700,- pr kurs for ikkje-medlemmar

Kurset inkluderer kaffi, kaker og varm lunsj begge dagane.

Kursmateriell kjem i tillegg, alt etter kva ein vel å sy.

Overnatting

Det er og råd å finna overnatting gjennom t.d. Airbnb.

For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no

Andre kurs finn du her

Tid

7 (Laurdag) 09:30 - 8 (Sundag) 17:00

Stad

Hardanger folkemuseum

Museumsvegen 36, 5778 Utne